Sa Gitna ng Delubyo

After the "Ondoy" like monsoon that hit the Philippines last August 7, 2012, (particularly in Luzon) I just though of creating something that at some point relate to the story.

~Sa Gitna ng Delubyo~

Sa malawak na lugar kami’y nagsiksikan

Matapos maisalba mula sa aming kinasadlakan

Sa ilalim ng langit, sa gitna ng kadiliman

Naging likas sa amin ang magtulungan

Kanya-kanyang hakot, akyat-panaog

Sa takot ng isa’t-isa’y daig pa ang pagsabog

Mga memoryang tumatak na sa aming mga sentido

Buhay na kinuha ng hagupit ng delubyo

Sa pagkakaisa’y nagkulang

Sa tubig nawala aming mga magulang

Nilibot ang nayon, maging mga ospital

Upang maibsan sakit sa damdaming nautal

Ang kalangitang madilim ang natatanging saksi

Ng aming simpleng kagitingan na layon ng gabi

Ang hangin na malamig ang siyang sa ami’y kumupkop

Habang lahat kami’y isa-isang na-tumpok

Sa gitna ng kalamidad, lahat kami’y naglaho

Nilikas ang tirahan, naiwan ng mga kabaro

Isang buong grupong umantabay sa balita

Nang aming marinig, mga pangalan nami’y nawika

~End~

Photo Credit: IRRI (International Rice Research Institute)