Time Capsule

I created this one to preserve what I remembered during the early 90's... God Bless!

• Time Capsule •

Isa ako sa mga isinilang noong dekada nobenta

Kasagasagan pa noon ng buhay na malaya't masagana

Panahon kung saan ang mga bata'y nakakapaglaro sa kalsada

Malayo sa kahit ano mang peligro o disgrasya

Taon kung saan ang pamasahe sa dyip ay tatlong piso

Henerasyong malaking bagay pa ang isang dakot na mamiso

Sama-sama pang naglalaro ng patintero

Sa gitna ng daan o kaya nama'y sa bawat kanto

Putik o alikabok sa pagsuong namin sa damuhan

Sari-saring laro: tumbang preso, bangsak o taguan

May mga siga rin noon at hari ng lansangan

Hindi nga lang gaya ngayon kung saan siga na ang karamihan

Sa taong ito, menor de edad na ang magnanakaw

Mga tagatak, tulak ultimo pati mga bugaw

Kahirapan umano ang sakanila'y nagtulak

Katagang "kapit sa patalim" at napakahigpit sa pagkakahawak

Dekadang nakapagtago pa ng lihim ng gobyerno

Kung kailan pati ang politka noon ay tila konserbatibo

Mga garapal ngayon na dati'y asal dalagang Pilipina

Tago kung trumabaho ngunit di maipagkakailang buwaya

Credits to Definitely Filipino for the Image!