Kasalanan ko ba?

Masama ba loob mo kaibigan?

Wag ka mag-alala hindi ka nag-iisa

Dumaan din ako sa hirap..

Minsan ay mayroon din namang ginhawa

Nadidismaya ka ba sa paligid?

O di naman kaya'y sa mismong ginagalawan?

Naranasan ko rin yan

Ibang sitwasyon nga lang ang aking kinalagyan

Para sa mga tropang nagtagumpay!

Sabi nga nila... "Isa pang tagay!"

Pero sa mga tropang naghihikahos

Wag kang susuko hangga't may buhay.

Oo, hindi patas ang buhay

Naniniwala ka ba doon?

Kung oo... May isa pa kong tanong...

Papayag ka ba dun?

May kaniya-kaniya tayong kagalingan

Sa musika, teknolohiya at iba pang larangan

Pero gaya nga ng sinabi nila

Pag namatay kang naghihikahos, kasalanan mo na yun.

Pwede kang sumaya sa mga simpleng bagay

Kung maghangad ka man ng higit pa,

Wag kang mawawalan ng pag-asa

Hindi lahat nakukuha sa tiwala, kailangan din ng gawa...

Pero lahat dapat nasa tama...